TEMI.mk

Александар Велјановски

‼️Во извештајот на американскиот Стејт департмент за состојбите со човековите права се нотира:
🕳️Висока корупција
🕳️политичко и бизнис влијание врз судии и обвинители
🕳️притисок врз новинари
🕳️нечовечко и понижувачко постапување во затворите
‼️ Се додека судиите и обвинителите се избираат во Бихаќка и Мала Речица, во Македонија ќе нема правда и владеење на правото
❗️Доаѓа крајот на “трас трас” правосудството и на послушниците на Заев и Ахмети, ќе има одговорност за нарачките и за политичкиот прогон.

Bojan Maricik

Во медиумското известување, јавниот интерес секогаш мора да биде приоритет. Граѓаните мора да добиваат точни информации за преговорите со ЕУ.

Групата новинари кои беа дел од проектот „Нордиска поддршка за напредок на Северна Македонија” ја покажаа нивната посветеност, професиналност и одговорност за процесот.

Изминатите денови ги информираа македонските граѓани од Брисел за текот на скрининг процесот, ставот на европските институции за напредокот кој го имаме во односите со ЕУ, како и за поддршката што ја има нашата држава.

Благодарност до Амбасадата на Кралството Шведска која во континуитет е наша поддршка во реализацијата на проекти кои се во интерес на граѓаните и за придвижување на Северна Македонија кон ЕУ.

Мојата заложба останува сите општествени чинители да се максимално вклучени во евроинтегративниот процед и се надевам дека ќе имаме уште вакви проекти кои ќе овозможат за подобрување и зајакнување на комуникацијата за процесот на пристапување во ЕУ.

Embassy of Sweden in Skopje
Нордиска поддршка за напредок на Северна Македонија

Bojan Maricik

Пристапниот процес ќе го водиме инклузивно и заедно ќе работиме за членство на Северна Македонија во ЕУ до 2030.

Интензивната агенда во Брисел ја завршуваме со заеднички брифинг со групата новинари, кои аплицираа на јавниот повик во рамки на проектот ,,Нордиска поддршка за напредокот на Северна Македонија”.

Го имаме политичкиот момент и поддршката од државите членки на ЕУ. Приликата која ни се укажува не треба да ја испуштиме.

Aleksandar Nikoloski

Во Брисел на конференцијата во организација на Friends of Europe како дел од највлијателните 40 под 40 години, имав можност да разговарам со политичари од цела Европа, бројни претприемачи, општествени активисти, новинари и голем број други влијателни граѓански активисти од Европа. Имавме можност да размениме погледи за политичката ситуација и правецот во кој се движи Европа и бројните предизвици со кои се соочува регионот.

Зборував за потенцијалот на Македонија, можните инвестиции и насоката во која ќе се движи Македонија после промената на власта. Во Македонија може да се подобри животот и промените ќе ги донесеме заедно.

#EYL40Brussels

Ѓорге Иванов, поранешен Претседател на Република Македонија

Недела, 12.03.2023 година

СООПШТЕНИЕ
од Кабинетот на поранешниот Претседател на Република Македонија 2009-2019, д-р Ѓорге Иванов

Претседателот на Република Македонија 2009-2019, д-р Ѓорге Иванов, учествува на 10. Глобален Баку форум во Азербејџан во периодот 9-12 март 2023 година. Јубилејниот десетти Глобален Баку форум се одржува на тема „Светот денес: предизвици и надежи“ и беше свечено отворен со обраќањето на Претседателот на Република Азербејџан Илхам Алијев.

На овогодинешниот форум учествуваат голем број актуелни и поранешни претседатели, премиери, министри, како и академици, истакнати аналитичари, новинари и др. За време на форумот Претседателот Иванов присуствуваше на сесиите на кои се дискутираше за предизвиците со кои во овие моменти се соочува мирот во Европа и светот, како и за проблемите од европското неинтегрирање на Западен Балкан. За време на форумот оствари и повеќе средби со други учесници на форумот.

Претседателот Иванов уште во текот на својот прв мандат ја започна соработката со организаторот на овој настан, Меѓународниот центар Низами Ганџави и досега учествувал на повеќе нивни настани. Основан во 2012 година, Меѓународниот центар Низами Ганџави е меѓународна организација со седиште во Азербејџан која го слави наследството на големиот азербејџански поет Низами Ганџави. Со цел да се промовира знаењето, толеранцијата, дијалогот, разбирањето и споделените општества меѓу народите, културите и нациите, Меѓународниот центар Низами Ганџави организира настани на високо ниво во текот на целата година со учество на истакнати личности за проучување на можни решенија за итни и актуелни проблеми на нашето време.

Bojan Maricik

Медиумите се клучен фактор за доближување на процесот на преговори со ЕУ до граѓаните.

🇲🇰🇪🇺Европската интеграција во моментов е најголемиот и најважниот македонски проект, кој треба да биде успешна приказна, а за тоа потребно е сите да сме на нивото на својата задача и секој во својата област, да го даде својот придонес кон исполнување на оваа стратешка цел.

Моќта да го направат процесот приоритет за граѓаните и да презентираат успешни приказни од регионот кои денес се членки на ЕУ, го имаат само медиумите.

Во медиумите гледаме партнер и сојузник во борбата против лажните вести поврзани со пристапните преговори со ЕУ.

Следната недела во Брисел ќе имам можност заедно со 15 новинари да го започнеме објаснувачките скрининг состаноци од Кластер 4, „Зелена агенда и одржлива поврзаност“, и од таму на граѓаните да им ја пренесат атмосферата и текот на процесот.

Голема благодарност за континуираната поддршка од нашите долгогодишни пријатели и помагачи на процесот на пристапување во ЕУ, Кралството Шведска преку проектот „Нордиска поддршка за напредок на Северна Македонија“ кој го спроведува Канцеларијата на Обединетите Нации за проектни услуги УНОПС.