TEMI.mk

Kostadin Kostadinov

Горењето кабел една од главните причини за загаденоста на воздухот!
Толеранција за тоа нема.
Општинските инспектори заедно со СВР Струмица на лице место затекнаа несовесни граѓани кои гореле кабел.

Против истите е поднесена прекшочна, а убеден сум дека СВР ќе поднесат и кривична пријава, оти таквиот чин е еклатантно загрозување на животната средина.

Апелирам граѓаните кои ќе забележат такви појави веднаш да ги пријават во надлежните институции.
Мора е заеднички да се бориме за почиста и поздрава животна средина!

Dimitar Kovacevski

Денес го посетив Факултетот за природни и технички науки при Универзитетот Гоце Делчев во Штип. Преку проектот на МОН, инвестираме во модернизирање и осовременување на лабораторијата АМБИКОН. Со ова значително ќе се унапреди работата на лабораторијата и факултетот.

Новата напредна опрема за земање на примероци од аеросоли во амбиентален воздух со најсовремен електронски микроскоп овозможува брза и детална анализа на загадување на воздухот и полесна идентификација на изворите. Со ова, лабораторијата АМБИКОН станува една од најсовремените во регионот.

Оваа инвестиција не е само вложување во опрема, туку е вложување во образованието и науката, во студентите и младите, во подобра иднина на сите нас.

Dimitar Kovacevski

Лабораторијата АМБИКОН при Универзитетот „Гоце Делчев“ во Штип, која постои веќе две децении, со буџетски средства доби најмодерен електронски микроскоп, кој е единствен од овој вид на Балканот. Заедно со другата софистицирана опрема, која ја потпомогнавме, се овозможи значително зголемување на научно истражувачкиот потенцијал на оваа лабораторија. Таа е акредитирана од 2014 година и е специјализирана за контрола на параметрите на амбиентниот воздух во реално време, утврдување на изложеност на одделни штетности, како и испитување на составот на најразлични материјали.

Особено сум горд што се работи за една од поголемите инвестиции во науката бидејќи зголемувањето на истражувачкиот капацитет во ова поле ја одразува нашата заложба дека вложувањето во науката и образованието е еден од приоритетите на оваа Влада. Тоа досега и го докажавме, а и продолжуваме во таа насока, преку планираните активности во буџетот за 2023, каде најголем дел од средствата се планирани за поддршка на научно истражувачки проекти.

На овој начин, преку реализацијата на оваа значајна и една од поголемите
инвестиции во науката, даваме посебно значење и на борбата со загадениот воздух, бидејќи загадувањето на воздухот, посебно со честичките-аеросоли, останува еден од најзначајните ризици за здравјето на луѓето.