TEMI.mk

Danela Arsovska

✅ Денеска извршивме надзор над работата, на локација каде службите на градот и јавните претпријатија исчистија дива депонија од 2000 метри квадратни во Горно Лисиче, а беа собрани 250 метри кубни смет, кабаст и градежен шут.

🍃 Градот Скопје продолжува со интензивно чистење на дивите депонии низ градот. Денеска на мајор коритото на реката Вардар во населбата Горно Лисиче во општина Аеродром во близина на железничкиот мост, службите на Градот Скопје со десетина камиони и механизација успешно исчистија дива депонија по должината на кејот.

📧 Градот Скопје ги охрабрува граѓаните да ги пријавуваат дивите депонии, се со цел нивно отстранување за превенирање на можностите на загадување на воздухот, почвата и водата, со што директно се влијае на одстранување на еден од причинителите кој придонесува за нарушување на здравјето на скопјани.

Maja Morachanin

Наместо да се занимава со твитови, би било пополезно за скопјани, Илија Димовски да ја разбуди од зимски сон градоначалничката и советниците од ВМРО-ДПМНЕ кои се власт во Град Скопје. Редно е да реализираат барем некое од предизборните ветувања, меѓу кои и решавање на проблемот со загадувањето на воздухот.
Можеше Димовски, на пример, да твитне, од буџетот на Скопје (100 милиони евра) да издвојат средства за набавка на гас за топланите, ама изгледа нивелирањето шахти е најголем приоритет во време на енергетска криза.
И бидејќи сум сигурна дека одлично е информиран, може да ни објасни како и кому во 2012 се доделени лиценците за БЕГ, предмет со кој се занимава Обвинителството.
За бесплатниот превоз и новите автобуси може и подоцна, во друг твит.

Kostadin Kostadinov

Зборот е збор!

Општина Струмица продолжува со подобрување на енергетската ефикасност во основните и средните училишта. Денови се вршеше замена на дел од старите прозорци и врати во средното општинско училиште „Никола Карев“, основното општинско училиште „Маршал Тито“ во Струмица и во подрачното училиште „Сандо Масев“ во населеното место Водоча.

Со новите прозорци и врати побрзо и полесно ќе се загрее просторот и значително ќе се намалат губитоците на топлина, а со тоа ќе намали и потрошувачката на енергија.

Замената се врши во рамките на Програмата за намалување на аерозагадувањето на Одделението за заштита на животната средина на општина Струмица.

Димчо Атанасовски - Градоначалник на општина Македонска Каменица

Викендов ја подржавме еколошката акција за чистење на Калиманско езеро од отпад кој беше донесен со подигањето на водостојот на река Брегалница.
Наша заложба во наредниот период ќе биде системско решавање на проблемот со континуирано загадување на езерото Калиманци и за таа цел ќе побараме вклучување на сите страни кои треба да се грижат за здрава и еколошки чиста животна средина.
Општина Македонска Каменица ќе формира тим, кој заедно со претставници од другите општини, невладиниот сектор и ресорните министерства, ќе ги мапира дивите депонии на реките Брегалница и Каменичка река и истите ќе бидат отстранети.
Паралелно со тоа ќе започнеме и кампањи за подигање на свеста кај граѓаните за правилно постапување со отпадот, со што ќе избегнеме еколошки катастрофи од поголеми размери.

Danela Arsovska

Започнува со чистење депонијата кај Железничкиот мост во општина Гази Баба

Град Скопје денес започна со чистење на депонијата кај железничкиот мост на реката Вардар во општина Гази Баба. На оваа депонија секојдневно се исфрла комунален отпад и градежен шут кој придонесува кон загадување на почвата, подземните води и воздухот, но пред се го загрозува здравјето на жителите од оваа општина.

Градот во соработка со јавните претпријатија интензивно ќе работи на целосно чистење на оваа дива депонија, која зафаќа површина од над 13.000 метри квадратни.

Целосно е исчистена и депонијата во населба Лисиче на ул. Ѓорѓи Крапчев на површина од околу 18.000 метри квадратни, со исчистена и транспортирана голема количина на комунален отпад, смет и градежен шут.

Градот Скопје продолжува со интензивно чистење на дивите депонии кои се мапирани на територијата на Скопје, а екипите на јавните претпријатија работат во две смени со цел побрзо и поефективно чистење и санирање на истите. Дополнително, Градот воведе засилен инспекциски надзор и неселективно ќе бидат изрекувани големи казни за сите кои не го почитуваат законот, а со тоа и ја загадуваат животната средина и го загрозуваат животот и здравјето на граѓаните.