Ziadin Sela
Sot mbushen 4 vite që kur Almir Aliu u vra, dhe them u vra sepse këtë e dëshmojnë të gjitha provat për veprën penale të kryer nga Boban Iliq, të cilin drejtësia e vendit tonë me çdo kusht e liroi madje edhe atë pak dënim që kishte ia uli në vetëm 4 vite burg!
Sot mbushen 4 vite dhimbje për familjen e Almirit të cilët asnjëherë nuk gjetën drejtësinë, 4 vite prej kur shqiptarët u vërtetuan se drejtësia në Maqedoninë e Veriut nuk ka vend sepse kështu deshi pushteti i deritanishëm.
Kemi kërkuar dhe nuk do të rreshtim së kërkuari drejtësi për Almirin, deri sa fajtori për vdekjen e tij të merr dënimin e merituar. Do të përkushtohemi maksimalisht deri sa nuk kthehet drejtësia në vend dhe deri sa sistemi jonë i drejtësisë nuk reformohet plotësisht.
Sot, ndajmë dhimbjen me familjen e Almirit, me shpresë se nesër do të ndajmë drejtësi!
