TEMI.mk

Bojan Maricik

🇲🇰🇪🇺 Градиме македонски, градиме европски!

Одамна е јасно дека не може да има развој без развиена инфраструктура.

Владата е максимално посветена на подобрување на транспортната инфраструктура.

Ги зајакнуваме и транспортните врски со регионот со што го поврзуваме Западен Балкан соодветно на стандардите на Европската Унија.

🇲🇰🇪🇺 За нас ветувањата одат секогаш со исполнување на ветеното. Ние ги промовираме европските вредности и градиме инфраструктурни проекти кои ќе значат подобар живот, подобар стандард и подобро утре за сите нас.

#НиеСмеЕвропа
#МКвоЕУ 🇲🇰🇪🇺

Bojan Maricik

Сите имаме обврска со државнички постапки да го штитиме, афирмираме и зацврстуваме статусот на македонскиот јазик како еден од автентичните јазици на Европа.

Тоа е влог во осигурување европско и светско признание за македонскиот јазик и за македонскиот идентитет.

Затоа денеска кога ги испраќаме пораките по повод Европскиот ден на јазиците со гордост кажуваме дека со заштитата на нашата јазична средина – македонскиот јазик како наша татковина го споделуваме на еднакво рамниште со сите европски јазици на континентот којшто е нашето пошироко семејство на народи.

Во тоа семејство македонскиот јазик го има истото почитување како што ние Македонците, како една од европските вредности, ги почитуваме јазиците на сите останати во европското семејство и ги охрабруваме и младите и сите граѓани од било која возраст да ги учат јазиците на другите.

Така ќе докажеме дека како Европјани сме побогати со почитта кон секој јазик на нашиот континент, а учењето на јазиците ни помага не само да се разбереме едни со други, туку и да се поврзуваме во културната разноличност како најголема вредност на европското семејство.

Bojan Maricik

За актуелните теми поврзани со уставните измени и нашите реални напори за исполнување на стратешката цел за евроинтеграција, вечерва во 360°со Васко Попетревски.

🕗 20. 15
📹 МРТ1

Bojan Maricik

Нашите стратешки партнери дејствуваат за наш напредок кон ЕУ и очекуваат дека ќе ја исполниме европската агенда за задржување на динамиката и активноста на пристапните преговори со ЕУ.

Во рамки на посетата, тука во Њујорк заедно со премиерот Ковачевски имавме интензивни и продуктивни средби со докажани пријатели на нашата држава и народ, кои ги препознаваат напорите и политичката волја да успееме во реформите и предизвиците кон полноправното членство во Европската Унија.

Пораките беа јасни и недвосмислени, сите заедно треба да покажеме дека сакаме и имаме капацитет да ја исполниме нашата стратешка цел, а Соединетите Американски Држави ќе бидат гласен поддржувач на нашата ЕУ интеграција.

Bojan Maricik

Му се заблагодарив на мојот пријател Алекс Сорос за огромната поддршка што неговата фондација “Отворено општество” ја дава за македонското општество цели три децении.

На средбата во Њујорк во рамките на Генералното собрание на Обединетите Нации заедно со премиерот Ковачевски и со Alexander Soros потврдивме дека нашата определба да станеме полноправен член на ЕУ е вистинската и единствена патека за одржувањето на стабилноста и безбедноста во регионот.

Алекс Сорос продолжува да го поддржува Западен Балкан со единствена цел значително подобрување на квалитетот на животот во државата и отворање многу можности за сите граѓани и за идните генерации.

Bojan Maricik

🇪🇺 Скопје е европска метропола на културата за 2028 година, огромна гордост и радост за нас!

Со искрена желба за успех и заедничка посветеност на приближување на нашата држава кон ЕУ, добиваме позитивни резултати.

Европската комисија и ја додели на Северна Македонија честа да биде европска престолнина на културата за 2028 година.

Ова признание е доказ дека Европската Унија го препознава и признава и слави извонредното македонско културно наследство.

Во исто време е и покана да го покажеме нашето наследство и креативност на европската сцена.

🏛️ Скопје, нашиот главен град, отсекогаш бил место каде што се спојуваат историјата, традицијата и културата. Ова признание е потврда за силниот и истраен дух на нашиот град и неговите граѓани, кои со генерации го негувале и чувале нашиот уникатен културен идентитет.

Додека гледаме напред кон 2028 година и напредуваме во процесот на преговори за членство во Унијата, да продолжиме да го прифаќаме и славиме нашиот богат културен мозаик. Заедно, годината на Скопје како европска престолнина на културата ќе ја направиме незаборавна прослава на уметничкиот сјај на Северна Македонија. 🇲🇰🇲🇰🇲🇰🇲🇰🇲🇰
Честитки до граѓаните на Скопје и цела Северна Македонија!

#Скопје2028 #Европска ПрестолнинаНаКултура

Bojan Maricik

🇲🇰🇪🇺 Преземените обврски мора да се исполнат, важно е пристапните преговори со ЕУ да завршат побрзо.

На средбата со специјалниот претставник на ЕУ за дијалогот Белград-Приштина и други прашања на Западен Балкан, Мирослав Лајчак разговаравме за планот за забрзување на интеграцијата во ЕУ на целиот регион, за активностите кои следуваат на тој план, за нашиот пристапен процес и важноста навремено да ги завршиме задачите кои ги имаме.

Тој потврди дека ЕУ помага да се забрза и регионот да го достигне членството до 2030, затоа ние мораме поскоро да донесеме одлука во наша корист и да не дозволиме да се плашиме за својата иднина одвнатре.

Позитивна е атмосферата во Брисел за проширувањето и државите членки на ЕУ ја поддржуваат нашата евроинтеграција, политички момент кој мораме да го искористиме со поголема самодоверба и силна одлучност од сите.

Државен геополитички интерес и наша главна цел е членството во ЕУ, затоа наша должност е да останеме на патот по кој веќе успешно чекориме.

На средбата се согласивме дека е важно да се забрза интеграцијата на Западен Балкан во ЕУ и дека очекуваме јасен план како да успееме побрзо регионот да биде дел од ЕУ.

Посебен акцент ставивме на нашата евроинтеграција и следниот чекор кој води кон нов напредок и целосно навлегување во преговорите по Кластери, што ќе наметне и ново темпо на реформите.
Владата има волја да ги исполни своите задачи, нашите европски партнери и граѓаните очекуваат секоја институција да преземе одговорност за позиционирање на Северна Македонија на мапата на ЕУ.

Bojan Maricik

🇲🇰🇪🇺 Фактите и бројките се најгласни кога станува збор за аграрот и политиките на Европската Унија. 270 милијарди евра од земјоделскиот буџет на Европската Унија ги покрива потребите на земјоделската политика на ЕУ. 40% од вкупниот буџет оди токму на земјоделството.

#НиеСмеЕвропа 🇲🇰🇪🇺
#МКвоЕУ

Bojan Maricik

🇲🇰🇪🇺 30.7 милиони евра неповратни европски пари се обезбедени во рамки на ИПАРД 2 програмата за инвестиции во основни средства за преработка и маркетинг на земјоделски производи за 146 проекти, а проектот на ЕКО МЛИН е еден од нив.

🇲🇰🇪🇺 ЕКО МЛИН е позитивен пример како се користат можностите од ЕУ, преку ИПАРД програмата и најголемиот број на мерки кои ги имаме во однос на останатите држави од регионот. ЕУ вложува во македонското земјоделство и ги подготвува земјоделците за европскиот пазар.

#НиеСмеЕвропа 🇲🇰🇪🇺
#МКвоЕУ

Bojan Maricik

🇲🇰🇪🇺 Со новите мерки од ИПАРД 3 програмата предвидени се вкупно 217 милиони евра за директна поддршка на нашите земјоделски производители. Со пристапот на Северна Македонија во Европската Унија, оваа поддршка само ќе расте. Според досегашните искуства, европските средства со членството во ЕУ се зголемуваат за најмалку 10 пати.

#НиеСмеЕвропа 🇲🇰🇪🇺
#МКвоЕУ