TEMI.mk

Frosina Remenski

Добро утро Македонијо каде и да си 🇲🇰
За многу години христијанскиот празник Рожденство на Јован Крстител - Иванден 🙏
Жолтата ајдучка набрана на денешниот празник е најјак лек за сите болести. Тајната на испробан народен лек и верување пренесуван низ генерации.

За многу години празникот и именденот на сите 🙏

1. Јован Крстител е најпочитуваниот христијански светител по Богородица. Самиот Спасител го рекол следново за пророкот Јован Крстител: ,,меѓу родените од жена не се јавил поголем од Јована Крстител...'' (Матеј 11:11).

2. Рождеството на Јован Крстител е единствен празник за православието. Постојат само три празници кога христијаните се сеќаваат не на денот на смртта, туку на роденденот на личноста што ја слават: Рождеството Христово, Рождеството на Пресвета Богородица и Рождеството на Јован Крстител. Овој факт е уште еден доказ дека пророкот Јован Крстител е особено почитуван во Црквата.
Јован Крстител е роден од постари родители, Захарија и Елисавета.

3. Јован се нарекува Претеча и Крстител. Претеча - затоа што дошол пред Христос и го проповедал Неговото доаѓање на луѓето. Крстител - затоа што го крстил Спасителот во Јордан.

4. Споменувања за пророкот Јован Крстител наоѓаме кај сите четири евангелисти. Јосиф Флавиј, исто така, пишува за него во своите историски дела.

5. Црквата го слави споменот на Јован Крстител седум пати годишно: 6 октомври - зачнување, 7 јули - раѓање, 11 септември - обезглавување, 20 јануари - Соборот на Јован Крстител во врска со празникот Богојавление, 9 март - првото и второто наоѓање на неговата глава, 7 јуни - третото наоѓање на неговата глава, 25 октомври - празникот на пренесувањето на неговата десна рака од Малта во Гатчина (Пренесувањето на дел од дрвото на Животворниот Крст Господов, Филермос иконата на Богородица и десната рака на Свети Јован Крстител од Малта во Гатчина се случило во 1799 година. Овие мошти биле чувани на островот Малта од страна на витезите од Католичкиот ред на Свети Јован Ерусалимски. Во 1798 година, кога Французите го освоиле островот, витезите на Малта се обратиле кон Русија за заштита и покровителство. На 12 октомври 1799 година, тие ги подарија овие древни мошти на царот Павле I, кој во тоа време бил во Гатчина. Во есента 1799 година, моштите биле пренесени во Санкт Петербург и поставени во Зимскиот дворец во црквата на Неракотворниот лик на Спасителот. Празник бил воспоставен за овој настан во 1800 година. Според древната легенда, Филермос иконата на Богородица ја насликал светиот евангелист Лука. Од Ерусалим била донесена во Цариград, каде што се чувала во црквата Влахерна. Во 13 век го зеле оттаму крстоносците и оттогаш го чуваат витезите од редот на Свети Јован.)

6. Јован Крстител е роднина на Господ Исус Христос по мајчина страна.

7. Во Евангелието според Марко читаме за пророкот Јован Крстител дека до триесетгодишна возраст живеел подвижнички во пустината и носел облека од камилски влакна и кожен појас околу слабините, и јадел скакулци и див мед. Скакулците се јадливи скакулци кои се наоѓаат во Палестина и Арабија. Според Мојсеевиот закон, скакулците се сметале за чисти инсекти и припаѓале на класата крилести влекачи кои оделе на четири нозе (Лев. 11:21). Иако постои и друга верзија за значењето на зборот „скакулци“: растителна храна, мешунки што можеле да се мелат и да се печат во колачи.

8. Јован бил последниот пророк меѓу многу праведни луѓе кои го предвиделе доаѓањето на Месијата, кој ќе го ослободи народот Израел.

9. Сржта на проповедта на Јован Крстител било покајанието. По многу години аскетски живот во пустината, пророкот дошол до реката Јордан, каде што Евреите традиционално вршеле религиозни миења. Тука тој почнал да им зборува на луѓето за покајание и крштевање за простување на гревовите и да ги крштева луѓето во водите. Ова не била Светата Тајна Крштевање каква што ја знаеме сега, туку била нејзин прототип.

10. Јован Крстител бил сурово погубен - главата му била отсечена. Се случило вака. Царот Ирод Антипа, син на царот Ирод Велики (кој по раѓањето на Христос наредил смрт на сите бебиња од Витлеем), го затворил пророкот затоа што го осудил во криминален брак со Иродијада. На гозба во чест на неговиот роденден, ќерката на Иродијада, Салома, танцувала за Ирод, а како награда за танцот, нејзината мајка ја убедила да го замоли царот да го убие пророкот. Главата на Јован Крстител била отсечена, а Салома ја донела на послужавник кај Иродијада. Во спомен на ова, бил воспоставен црковен празник - Обезглавување на Јован Крстител.

Frosina Remenski

Денес и официјално беше потпишан договорот помеѓу „Телеком Италија (TIM)“ и македонскиот детски бренд „Светот на Биби“, со кој италијанскиот телеком ги откупи правата за емитување на популарната анимирана серија „Сказните на Биби“ на својата СВОД платформа „TIMVision“. Емитувањето започнува од септември 2025 година.

„Телеком Италија (TIM)“ е водечки телекомуникациски оператор во Италија, со милиони корисници и богата понуда на дигитални и стриминг содржини преку својата СВОД платформа „TIMVision“, која е достапна на територијата на цела Италија.

„Светот на Биби“ е најуспешниот едукативно-забавен бренд за деца во Македонија и пошироко во регионот. Со над 100 милиони прегледи на Јутјуб, брендот ги освојува срцата на децата преку анимирани серии, песни, интерактивни книги, образовни програми и лиценцирани производи.

Серијата „Сказните на Биби“, која е дел од оригиналната продукција на брендот, се емитува на повеќе национални и регионални телевизии

Оваа интернационална соработка претставува важен чекор за глобализацијата на брендот и доказ дека квалитетните, автентични и образовни содржини создадени во Македонија можат да најдат свое место на светската сцена

Frosina Remenski

Поредокот е пред многу опасна бездна‼️ Најкратко вака би ги опишала сите сознанија и настани кои се генерираат подолго време на Блискиот Исток.
Ако со моите студенти до пред некоја година работевме на студии на случаи за вооружени конфликти низ светот и се радувавме што поголемиот дел од историски-вкоренетите конфликти се „решени“ или "замрзнати" со надеж дека нема да се повторат, годините назад тоа не е така.
И се' што навидум беше „безвезен“ теориски концепт за вооружените конфликти кои ги објаснував преку дијалектичкиот метод на германскиот филозоф Хегел добива смисла дека „историјата се повторува“ во поинаква, поопасна форма доколку не се научени претходните лекции.
И кога Хантингтон ја објави прочуената книга за „Судирот на цивилизациите“ која беше оценета како анализа на американската разузнавачка служба (што не е точно), а не како дело на Хантингтон многумина на тоа гледаа релаксирано, ослободени од стравот дека длабоко вкоренетите идентитетски прашања лежат во основата на современите конфликти и судири. Кои се цивилизациите и каде се денес на ова бојно поле? Ги препознавате или не?
И како фил на торта во морето од теории и теоретизирања за изворите на судирите, улогата на човекот, идејата, системот и историјата се појавува прекрасниот Фукујама (Фукуџама) кој дава одговори на многу прашања кои допрва ќе бидат поставени …, зборува за „последниот човек и крајот на историјата“, за моќта, стравот, рамнотежата – зборува за идеологијата, религијата, за се што денес е на сцена.
Ќе биде штета ако разбирањето на сите новонастанати и идни воени жаришта во светот се лишат од една нитка која се проткајува низ делата и умовите на големите мислители, а не само споменатите тројца, а тоа е фактот дека, „религиската кичма на цивилизациите“ не се крши и не треба да се скрши, туку да се разбере низ призма на можните трајни и (не)поправливи последици кои можат да се случат доколку светот и современиот човек не се врати на изворот на разбирање на смислата на сопственото постоење и постоењето на другиот во почит и мир.

Доаѓа време на движења, падови и пораст-и на луѓе, ресурси, цени, струи и струења - движења во кои ќе биде тешко да се оцени правецот и крајот, и дали човекот треба да застане или да се движи ...

Време на големи искушенија ... 🙏

Frosina Remenski

На денешен ден (16 јуни 1943 година) во кавадаречкото с.Ваташа бугарските окупаторски војници стрелаа 12-те млади Македонци од селото: Васил Хаџи Јорданов, Ферчо Поп-Ѓорѓиев, Диме Чекоров, Блаже Ицев, Ванчо Гурев, Пане Џунов, Данко Дафков, Илчо Димов, Герасим Матаков, Пане Мешков, Ристо Ѓондев и Перо Видев ...
Ги собраа откако во претресот на куќите во селото не најдоа ниту еден партизан. Ги обвинија за соработка со партизаните и ги стрелаа ...

СЛАВА ИМ !

.......

Колежот го извршила бугарската воjска и полициски одреди на чело со капетан Борис Жеглов, поручник Борис Костов и подофицер Петко Опреков под команда на полковник Љубен Апостолов, командант на 56. велешки пешадиски полк од Петтата бугарска армија.
Овие бугарски злосторници, по една година и ја добиваат заслужената казна. Имено во с. Стрмашево на 13 јули 1944 година дошло до судир со два батаљона на Втората македонска ударна бригада. 40тина Бугарски војници биле убиени, а другите се дале во бегство.
Полковникот Љубен Апостолов на 3 ноември 1944 година бил откриен од македонските емигранти во Софија и го привеле во штабот на македонската народноослободителна бригада “Гоце Делчев“. Од Софија е екстрадиран во Кавадарци. По две години Народниот суд во НР Македонија ги осудил на смрт главните раководители и учесници во оваа акција: полковник Љубен Апостолов, капетан Борис Жеглов, поручник Костов и подофицер Петко Опреков. Пред тоа сите тие се предадени од новата влада на Бугарија на југословенските власти за судење како фашисти. Апостолов, кој бил командант на војската и ја издал наредбата за стрелање, тврдел дека не е виновен за ваташкиот масакр. Тој бил суден за повеќе злодела и сите ги признал, но за ваташкиот масакр кажал дека добил листа со имиња, а на неа стоело дека младинците се партизани уапсени во шумата, а не собрани од нивните куќи. Раскажал и за улогата во настанот на четворица ваташанци-предавници, тројца мажи и една жена. Ова злодело извршено од бугарските фашисти, останува срамен белег кој вечно ќе биде поврзан со шестиот роденден на бугарскиот престолонаследник Симеон II. Истата судбина ги снашла и полицискиот инспектор Димитар Раев и агентот учесник во овие настани, Борис Жуглов. Двајцата се осудени на смрт во Скопје и стрелани.

Frosina Remenski

На сите мои пријатели и сограѓани од исламска вероисповест им го честитам празникот Курбан Бајрам и им посакувам здравје и среќа за семејствата и слога и мир со блиските 🙏🤲

Frosina Remenski

🇭🇷🤝🇲🇰 Честит 30 мај - Денот на државноста на Република Хрватска !

На покана на почитуваниот колега, Генералниот конзул на Република Хрватска во Милано Степан Рибиќ, и оваа година во духот на пријателството и соработката помеѓу двете земји во празнична атмосфера во палатата Исимбарди во Милано имав чест да присуствувам на свечениот прием по повод Денот на државноста на Република Хрватска .

На приемот, организиран за Конзуларниот корпус на Милано и Ломбардија присуствуваа истакнати претставници на италијански и меѓународни институции и повеќе од 200 гости.

Свеченоста ја збогатија претставници на градот Бакар кои приредија одлична промоција на традиционалните обележја на градот и Хрватска, како и прекрасниот настап на хорот Склад со репертоар што плени. Огромно беше задоволството да се слушне македонската легендарна песна "Јовано, Јованке" беше отпеана двапати - вторпат со моја скромна и искрена придружба на прекрасниот хор. Песната е мост помеѓу народите и бисер на културната дипломатија.

За многу години Денот на државноста на Хрватска !

🇲🇰♥️💛🤝🇭🇷❤️🤍💙 🇮🇹💚🤍❤️

Frosina Remenski

🇮🇹 Италија денес одава почит и потсетува "ДА НЕ ЗАБОРАВИМЕ" на атентатот што пред 33 години се случи во Капаци на 23 мај 1992 година во 17:58 часот. Загина судијата против мафијата, неговата сопруга и припадници на полицијата:
Џовани Фалконе, 53 години
Франческа Морвиљо, 46 години
Роко Ди Сило, 30 години
Антонио Монтинаро, 30 години
Вито Шифани, 27 години.

Слава им 🙏

Frosina Remenski

Генералниот Конзулат во Венеција беше домаќин на директорката на Комисијата за односи со верските заедници Оливера Трајковска. Зборувавме за големиот претстоен настан на Европската Епархија во Порденоне, Италија на кој сме поканети како гости и за улогата на верските заедници во градење на идентитетите и безбедноста.
Ги споделив импресиите од големиот успех на Македонскиот павилјон на Биенале 2025 и одличното претставување на тимот архитекти, Министерството за култура и туризам, УКИМ и државата на овој престижен настан.

Истакнав дека, верските заедници и институции во странство се стожер на нашата дијаспора и играат непроценлива улога во животот на нашите државјани, во негување на заедништвото, солидарноста, традицијата, идентитетот и македонскиот мајчин јазик. Генералниот Конзулат е партнер и пријател на македонските црковни општини во Италија и сите наши верски претставници.

Го поздравив неодамнешното потпишување на Декларацијата за сузбивање на верски екстремизам од страна на верските лидери и споделив размислување со директорката за поблиска соработка на Комисијата со институции и служби во интерес на благосостојбата, мирот, толеранцијата, развојот и безбедноста на граѓаните и државата.

Frosina Remenski

„Не биди невнимателен во своите постапки, ниту збунувачки во твоите зборови, ниту неуреден во твоите мисли. Немојте да бидете премногу депресивни или премногу возбудени и оставете си слободно време во животот.
Те убиваат, те кинат на парчиња, те пцујат. Која е користа, ако вашиот ум остане чист, бистар, трезвен, нели? Како некој да застане пред бистар, сладок извор и да почне да го навредува, но тој продолжи да тече со вода за пиење; па дури и да фрли кал или измет во него, изворот веднаш ќе го растера носејќи го и воопшто нема да биде загаден. Можете да имате во себе вечен извор, а не бунар. Чувајте ја вашата слобода недопрена во секој момент со спокојство, едноставност и скромност."

Маркус Аврелиј, Мисли

Frosina Remenski

🇲🇰 ЧЕСТИТ 7 МАЈ - ДЕНОТ НА МАКЕДОНСКАТА ПОЛИЦИЈА 👮‍♂️👮‍♀️🕵️‍♂️

На сите полицајци при МВР, сите пензионирани, поранешни полицајци и сите они кои учат да станат полицајци им го честитам 7 Мај - Денот на полицијата !
Вечен да е, во мир, слога и просперитет !
Слава на сите кои го дадоа животот за мирот, слободата и државата !

„Мојата основна должност како полицаец е да служам на Република Македонија, да ги почитувам Уставот и законите, да ги бранам животите и имотот на граѓаните, да ги заштитувам невините од измами, слабите од заплашување и притисок, а мирољубивите од насилство и безредија, како и да го почитувам заедничкото право за слобода, еднаквост и законитост.
Без компромиси против злоделата, прогонувајќи го криминалот, законот ќе го спроведувам на човечен и соодветен начин, без страв, протекција или лоша намера, никогаш не користејќи сила или насилство, недопуштајќи да бидам поткупен.
Свесен сум дека само јас сум одговорен за стандардите на моето професионално работење и затоа ќе ја искористам секоја разумна прилика за да го збогатам и подигнам рамништето на моето знаење и стручност.
Никогаш нема да постапувам наметливо или да дозволам на моите лични чувства, предарасуди, политички убедувања и стремежи, на омразата или пријателството да влијаат на донесувањето на моите одлуки.
Мојата службена легитимација ја сфаќам како симбол на довербата која ми ја укажува јавноста и која ќе трае се додека се придржувам на етичките начела на полицискиот позив. Нема да учествувам во мито и корупција, ниту ќе го толерирам таквото однесување кај другите полицајци.
Личниот живот ќе го водам чесно, и ќе се однесувам на начин кој нема да ме дискредитира ниту мене, ниту мојата служба. Соочен со опасности, омаловажувања или потсмев, ќе ги задржам одважноста, спокојството, ќе го развивам чувството на самоконтрола и секогаш ќе ја имам предвид грижата за другите. Честит во мислите и на дело, како во приватниот, така и во службениот живот, на примерен начин ќе го почитувам законот и прописите на мојата служба.
Непрекинато ќе тежнеам, да ги постигнеме овие цели и идеали, посветувајќи се на мојата одбрана професија – полицаец“.

(Свечена заклетва на полициските службеници од ЦОКОБ –Скопје)