TEMI.mk

Aleksandar Nikoloski

Повторно во Стразбур. Од денес се враќам во ПС на Совет на Европа. После 4 години што заради тоа што решив да не се кандидирам на изборите во декември 2016, што заради корона кризата, повторно сум во Стразбур со огромна чест да ја претставувам Македонија во најголемата парламентарна асамблеа во Европа.

Како и во минатото најавувам дека тука ќе се борам за македонските национални интереси, како и заштита на човековите права на Македонците во Грција, Албанија и Бугарија. Во Советот на Европа стигнав до највисоката позиција што било кој македонски пратеник ја имал – бев 2 години Потпретседател и за прв пат од основањето на Советот на Европа во 1949 година од местото на претседавач се слушна македонскиот јазик. Имав чест да се обратам и да претседавам на македонски јазик. Продолжувам во нови предизвици, ќе се борам со цело срце за Македонците, македонскиот јазик и човековите правдини на секое доаѓање во Стразбур и во ПС на Совет на Европа.

Венко Филипче

Во изминатата година за време на пандемијата се реализираа 800 крводарителски акции и се обезбедија 55.000 единици на крв, тромбоцитна маса и она што беше важно и спаси многу животи - ковалесцентната плазма.
Благодарение на крводарителството во ниту еден момент не беа загрозени изведувањата на интервенциите. Црвениот крст е еден од најсериозните партнери кои ги имаме во текот на менаџирањето на оваа криза, како во делот на крводарителството, така и во делот на волонтерските акции и одржување на нашиот систем во ковид центрите. Денешната благодарница која ја добив од нив ми е многу драга и е признание за добрата соработка и цврстото партнерство кое го негуваме.

Oliver Spasovski

Благодарност во името на сите вработени во МВР до Црвен Крст на Република Северна Македонија и Институтот за трансфузиска медицина за укажаната чест, особено до вас кои направивте се во време на најголема здравствена криза со пандемијата со Ковид-19, македонските граѓани да не се соочат со никаква криза за најскапоценото – крвта. Дарувањето крв спасува животи, благодарност до сите кои придонесуваат во јакнењето на свеста за крводарителството, продолжуваме со соработката.