TEMI.mk

Nina Angelovska

МојДДВ веќе брои над 315.000 корисници 🙌🏻

Барајте ги вашите сметки и скенирајте ги - не само затоа што остварувате право на поврат и може да добиете некоја од дневните и месечни награди туку и поради тоа што учествувате во борбата против сивата економија, против затајувачите!
________________________________

Барајте ги и скенирајте ги вашите сметки затоа што:
[Дел од пораките во МојДДВ #МојаНаграда]

🛑 Со неиздавање на сметка вашите 5 или 18% продавачот ги зема за себе, наместо да бидат употребени за доброто на сите!

🛑 И трговецот кој не го уплаќа вашиот ДДВ во буџетот го користи здравствениот и образовниот систем.

🛑 Со неиздавање на сметка продавчот прави нелојална конкуренција на чесните продавачи кои си го плаќаат данокот!
________________________________

Со последните измени како одговор на ковид предизвиците беа направени промени во МојДДВ и #МојаНаграда

👉 Секој ден по случаен избор се доделуваат 20 награди x 1000 ден. и секој месец 15 награди x 20.000 ден.
👉 Повратот на ДДВ за македонски производи сега изнесува 20% и 10% за останатите.

Причина плус да ги одбереме домашните производи кога купуваме и со тоа да им помогнеме на домашните компании и македонската економија и причина плус да ги бараме секогаш и секаде нашите сметки и да го јакнеме даночниот морал.

Сите можеме да придонесеме! Сега повеќе од било кога мораме да ја зајкнеме борбата со сивата економија која е штетна за нашата економија, за нашето општество.

Nina Angelovska

✔️📈 Реализацијата на буџетот во јули покажува дека заживувањето на економијата се одвива со добра динамика.

Од почетокот на кризата во јули за прв пат забележуваме раст на вкупните приходи споредено со лани.

По реализацијата на вкупните приходи во јуни кои бележеа пад од -9.6% споредено со лани, кога рестриктивните мерки почнаа да се олабавуваат и економската активност да заживува, во јули вкупните приходи се повисоки за 1.4% споредено со јули минатата година.

👉 Наплатата на приходите во јули е подобрена во однос на претходните месеци од почетокот на COVID-19 кризата.

📌 придонесите бележат раст од 12% и во јуни и во во јули
📌 данокот на личен доход е на речиси исто ниво како лани
📌 ДДВ забележа раст од 1.2% во јули (падот од апр. од - 33.5% е беше ублажен на - 7.5% во јуни, додека во јули веќе имаме позивен резултат)
📌 Даночните приходи бележат пад од -1.7% што е значајно подобрување споредено со јуни кога бележеа пад од -14.5%, мај -28% и април -31%.

Ефектите од економските мерки насочени за заштита на работните места, за поттикнување на приватната потрошувачка, за подобрување на ликвидноста и премостување и надминување на последиците од ковид кризата даваат резултати и тоа се огледа во реализацијата на придонесите, данокот на личен доход, данокот на додадена вредност..

Nina Angelovska

Микс од различни теми и прашања на кои давав одговори во интервјуто со Sam Potolicchio - еден од најдобрите американски професори според Princeton Review

❓ Каков совет би им дала на младите
❓ Кои чекори ги преземавме за справување со кризата
❓ За доаѓањето на позицијата Министерка за финансии
❓ Што има да понуди македонскиот туризам во време на ковид
❓ Стилот на лидерство во време на криза

👇👇👇

Nina Angelovska

🇲🇰 Подобро утре за сите нас, за сегашните и за идните генерации ќе обезбедиме единствено ако сите работиме посветено за тоа. Денешниот ден Илинден е доказ дека цврстата визија, цели и идеали, градат големи работи!

Секогаш да се сеќаваме и да го почитуваме делото на Илинденци и Асномци, кое е наше наследство, но и обврска да се чува и надградува. Да ја чуваме илинденската традиција, да негуваме вистински вредности и меѓусебно разбирање и почит. Да знаеме од каде доаѓаме но и каде одиме. Да се фокусираме на заедничките работи и на сличностите, а да ги почитуваме и различностите. Сите заедно кон една заедничка визија - визијата за подобра иднина, која заедно со напорна работа ќе ја обезбедиме - таа да биде наша победа. Победа за сите! ✊ 🇲🇰

Честит ден на Републиката!
Честит Илинден!

Nina Angelovska

Сабота посветена на убавините на Галичица. 💚

Од видиковецот со прекрасен поглед над Охридско езеро за околу 1 час пешачење се стигнува до врвот Лако Сигној на 1973 метри надморска височина.
Тука се одмара душа со поглед над двете езера - Преспанското и Охридското.

По патот затекнавме група туристи од Полска кои се дојдени да ги истражуваат македонските убавини.

Македонскиот туризам има навистина многу да понуди, уште повеќе во ова ковид време кога се преферира алтернативен туризам - без гужви, индивидуално или во мали групи.

Да бидеме горди, да си ги запознаме и да си ги чуваме природните вредности.
🇲🇰

Nina Angelovska

📢📢 Доделена е првата трашна од евтините кредити од 50 милиони евра од Развојна банка на Северна Македонија АД пласирани преку комерцијалните банки.

Доделени се 25,6 милиони евра на:
🏪 105 компании по
➗ каматна стапка од 1,6%

Оваа кредитна линија беше дел од вториот сет мерки на Владата. Средствата се обезбедени преку Европската инвестициона банка. Државата субвенционира дел од каматната стапка со цел кредитите да може да се понудат преку комерцијалните банки со каматна стапка до 1.6%.

Компаниите на кои им се одобрени евтините кредити се од:
🏭 Производство
🥘 Угостителство
🚚 Транспорт
💇 Услуги
🛍️ Трговија
🧑‍⚕️ Здравство

Заедно со Ковид 1 и Ковид 2 бескаматните кредитни линии на Развојната банка, во стопанството досега се вбризгани над 38 милиони евра за подобрување на ликвидноста во време на COVID-19 кризата. Со нив се поддржани:

👉 1.436 претпријатија
👉 16.777 работни места

Преку задржување на ликвидноста на стопанството се осигурува неговото нормално функционирање и се поттикнува економската активност - фирмите можат да ги сервисираат своите редовни обврски, но и да преземаат инвестициски активности што е од големо значење за надминување на кризниот период.

Nina Angelovska

Просечната нето-плата во мај 2020 година, или во сред COVID-19 кризата, е за 1.120 денари повисока во однос на истиот месец лани 📈💶

🟩 Просечната исплатена нето-плата е повисока и за 560 денари во однос на април 2020

Од почетокот на Covid-19 кризата Владата презема повеќе мерки за зачувување на работните места и одржување на нивото на платите.

✔️ 🗓 Конкретно, во мај:

🟣 Со мерката финансиска поддршка од 14.500 денари по вработен, со 1,7 милијарди денари поддржани се 19.956 работодавачи во кои работат 118.069 вработени
🟣 Со мерката финансиска поддршка од 14.500 денари со 86,8 милиони денари поддржани се 5.985 самостојни вршители на дејност
🟣 Со мерката субвенционирање на придонеси во време на вонредна состојба во мај се поддржани 2.463 фирми

Мерката за финансиска поддршка од 14.500 денари по вработен за исплата на плата, продолжи и во јуни, односно за трите месеци се исплатени над 76 милиони евра на фирми и самостојни вршители на дејност.

Nina Angelovska

Ми беше задоволство да земам учество на панел сесијата “Жени, трговија и Ковид-19” на шестдневната конференција организирана од United Nations Commission on International Trade Law - UNCITRAL во партнерство со #UNWomen

Исклучителни времиња бараат исклучителна трансформација и адаптација. Имаме историска можност за е-трговијата и за жените. Сите треба да го дадат својот придонес - Владите да се фокусираат преку регулативата да го олеснат патот за приватниот сектор и за жените, да овозможат амбиент за нови бизнис модели, нови начини на соработка, за платформи за е-продажба и раст на е-трговијата и отварање на можности за поголема конкурентност и освојување на нови пазари. Приватниот сектор треба да вложи напори во адаптација на новата нормала - нови практики на работење, адаптација на бизнис моделот, имплементирање нови технологии. Жените треба да ги охрабриме, да им го олесиме патот да го дадат својот придонес, да се вклучат во клучните процеси. Сега е поважно од било кога да го отклучиме неискористениот потенцијал на жените - тие ќе одиграат клучна улога во брзината на закрепнување на нашите економии.

Nina Angelovska

🇲🇰 🇪🇺 Ние сме првата земја со која ЕУ го потпиша Меморандумот за користење на инструментот за макро-финансиска поддршка наменет за полесно справување со економските последици од COVID-19 за 10 земји во регионот.

https://ec.europa.eu/commission/presscorner/detail/en/ip_20_1343

Nina Angelovska

COVID-19 нуди можност за побрза транзиција од било кога кон безготовинско општество која треба да ја искористиме.

За да ја искористиме можноста сите треба да го дадат својот придонес - Владата, банките, граѓаните, компаниите, стопанските комори..

Вклучително и општините - за подобри и поквалитетни услуги за граѓаните.

Покрај другите бројни активности кон безготовинско општество во Министерство за финансии направивме и мапирање на состојбата во општините и можностите за плаќање со картичка на нивните услуги кои ги даваат на граѓаните.

Вака стои состојбата:

🔹 од 66 општини кои одговорија 41 имаат ПОС терминал за плаќање со картички
🔹 на месечно ниво, вкупно во сите општини се реализираат околу 6.000 плаќања на општински услуги преку ПОС терминалите (173 по општина)
🔹 Општини со најмногу трансакции и промет на ПОС терминали се Општина Штип Македонија и Општина Прилеп (кои прават над 40% од вкупниот реализиран промет од јан 2019 до мај 2020)

Врз основа на анализата беа направени препораки кои беа усвоени на минатата седница на Владата, меѓу кои Министерство за локална самоуправа и Заедница на единиците на локалната самоуправа и општините треба да го дадат својот придонес кон:
- зголемување на бројот на општини кои ќе воведат ПОС терминал
- зголемување на бројот на услуги кои може да се плаќаат со картичка
- стимулирање на безготовинските плаќања со вградување на провизијата на трансакција во цената на услугата

🏆 Дополнително меѓу активностите кои ги работевме во изминатиот период во насока на стимулирање на безготовинско општество предлагаме и годишен натпревар помѓеу општините - иницијатива за наградување на општината која ќе биде лидер во безготовински плаќања со грант средства за капитален проект кој им е најпотребен на граѓаните - за подобра средина, подобар и повалитетен живот!