Љупчо Папазов
На втор ден Божиќ на манастирот „Добра вода“ во Оризари го посетив големиот црковен народен собир на Пресвета Богородица.
На овој голем собир, кој од година во година прерасна во традиција, се дели лепче со паричка, домаќинките принесуваат сукани зелници, а се пеат и свират и традицинални македонски народни песни и ора. И оваа година присутните уживаа во исполнување на народните македонски песни од страна на ФА „Љупчо Сантов“ – Оризари.
Пред домаќините и присутните ја искажав и поддршката од страна на Локалната самоуправа во однос на инфраструктурата во и околу манастирот, сѐ со цел зачувување и дополнување на истата, а со тоа и зголемување на посетителите од година во година на овој преубав манастир.
