TEMI.mk

RK Vardar 1961

Македонија се пласираше на уште едно ЕП, шесто по ред од вкупно седумте настапи, откако триумфираа со 29-28 против Швајцарија. Четворицата играчи на Вардар1961 кои настапија на овој меч постигнаа заедно 9 гола.
Гоце Георгиевски постигна 4 гола, Филип Талески постигна 3, Стојанче Стоилов и Марко Мишевски по 1 гола.
ЕП 2022 година ќе се одржи во Унгарија и Словачка, а ждрепката на групите е на 6 мај.
Фото: Ракометна Федерација на Македонија
#ehfeuro2022 #rkvardar1961

Ракометна Федерација на Македонија - официјална страница

Почитувани,

Ве информираме дека Управниот Одбор на Ракометната Федерација на Македонија, согласно Член 35, 59 и 60 од Статутот поради итност на донесување на одлука согласно Член 3 точка 11 “Одлука без присуство” од Законот за здружение и фондации (Сл. весник на РМ бр. 52 од 16.04.2010 год.) на ден 12.04.2021 год. донесе одлуки за усвојување на системот на натпревари, обврска на учесниците во Супер Лига за пријава на младински категории од сезона 2022/23 и број на ангажирање на странски играчи од сезона 2022/23 година во национален систем на натпревари при РФМ.

Одлука бр.1, систем на натпревари при РФМ во машка конкуренција (Супер Лига и Прва лига):

Согласно направената анализа и комуникација со членките на РФМ и добиените писмени дописи од клубовите : РК Бутел, РК Струга, ГРК Охрид, РК Голден Арт – КЛ7, ГРК Тиквеш 2014, РК Радовиш, РК Младост 1977, РК Прилеп, РК Астраион Хендбол, РК Пролет 62, РК Јуниор Кисела Вода 2020, РК Еурофарм Пелистер, РК Еурофарм Пелистер 2 и РК Металург е усвоен системот за натпревари во машка конкуренција Супер и Прва Лига (во прилог прикачен документ).

Одлука бр.2, обврска на учесниците во Супер Лига (машка конкуренција) за пријава на пионерска екипа (задолжително) и младинска или кадетска екипа.

Сите учесници во Супер Лига (машка конкуренција) започнувајќи од сезона 2022/23 година имаат обврска да пријават пионерска екипа (задолжително) и младинска или кадетска екипа во националниот систем на натпревари при РФМ. Годиштата за право на настап ќе бидат одредени на конференција на клубови пред започнување на натпреварувачката сезона 2022/23 година.

Одлука бр.3, број на ангажирани странски ракометари од сезона 2022/23 година.

Бројот на странски ракометари на натпревар за домашно првенство од сезона 2022/23 година може да изнесува вкупно максимум 6 (шест) ракометари:
1. Квота А: Максимум 3 (три) странски ракометари по произволен избор на клубовите;

2. Квота Б: Останатиот број до максимум 6 (шест) странски ракометари задолжително да имаат минимум 10 настапи за репрезентација на својата држава.

Клубовите имаат право, сите 6 (шест) странски ракометари да ги ангажираат според спецификациите од (Квотата Б), но немаат право да ангажираат повеќе од 3 (три) ракометари по избор (Квота А).

Ограничувањето за странските играчи се однесува ЕДИНСТВЕНО на националниот систем на натпревари при РФМ, за учество во Европските и Интернационалните клубски натпреварувања, клубовите имаат право да регистрираат неограничен број на странски играчи.

Дополнително, Ракометната Федерација на Македонија склучи Договор со Спортски Центар Борис Трајковски за изнајмување на простории (канцеларии) кои ќе бидат во функција за спроведување на активностите на сите националните селекции.

Наградата во износ од 10.000 ЕУР одредена за женска сениорска репрезентација за остварен максимален учинок на турнирот одржан за обезбедување пласман бараж за СП Шпанија 2021 ќе биде исплатена на 14.04.2021 година.

Наградата во износ од 20.000 ЕУР одредена за машка сениорска репрезентација за победата против Светскиот и Олимпискиот шампион селекцијата на Данска ќе биде исплатена на 21.04.2021 година.

Спортски поздрав.

Ракометна Федерација на Македонија

Систем на натпревари: https://drive.google.com/file/d/1jEu9-XjJT3tpcOWMy4kk2z3brgBRnXyv/view?usp=sharing

Ракометна Федерација на Македонија - официјална страница

Ве информираме дека Управниот Одбор на Ракометната Федерација на Македонија, согласно Член 35, 59 и 60 од Статутот поради итност на донесување на одлука согласно Член 3 точка 11 “Одлука без присуство” од Законот за здружение и фондации (Сл. весник на РМ бр. 52 од 16.04.2010 год.) на ден 25.03.2021 год. донесе одлуки за одредување на парични награди за сениорската женска и сениорската машка ракометна репрезентација, односно ги донесе следните одлуки:

- Одлука бр. 1 За одредување на парична награда на сениорската женска ракометна репрезентација :

За доделување парична награда во вредност од 10.000 EUR нето на женска сениорска ракометна репрезентација за остварен максимален учинок (3 победи) на квалификацискиот турнир за обезбедување бараж натпревар за пласман на СП Шпанија 2021;

За парична награда во висина од 40.000 EUR нето износ доколку сениорската женска ракометна репрезентација обезбеди пласман на Светско Првенство во Шпанија 2021 година;

- Одлука бр. 2 За одредување на парична награда за сениорската машка ракометна репрезентација :

За освоено прво место во квалификациска група во рамки на квалификацискиот циклус за пласман на ЕП 2022 година парична награда во висина од 40.000 EUR нето износ,

За освоено второ место во квалификациска група во рамки на квалификацискиот циклус за пласман на ЕП 2022 година со освоени 10 бода парична награда во висина од 30.000 EUR нето износ,

За освоено второ место во квалификациска група во рамки на квалификацискиот циклус за пласман на ЕП 2022 година со освоени помалку од 10 бода парична награда во висина од 20.000 EUR нето износ.

Со почит,
Ракометна Федерација на Македонија

RK Vardar 1961

Во четвртфиналната група од Купот на Македонија, екипата на Вардар191 ќе игра заедно со екипите на Астраион, Тиkвеш и Радовиш. Победникот од таа група ќе се пласира во полуфиналето на Купот.

Нашиот тим во четвртфиналето ќе се сретне со тимот на Тиквеш, а другата двојка е Астраион - Радовиш. Победниците од овие дуели ќе играат за пласман во следната фаза односно на Ф4 турнирот.

Според календарот на РФМ овие четвртфинални групи се планирани за 31 март и 1 април. Со оглед на тоа што во тој период имаме и обврски од Лигата на шампионите можно е да има промена во терминот.

Sport Life обложувалници

РФМ ќе ги награди јунаците кои го воодушевија ракометниот свет

KAMAJ

РФМ не додели награда за членовите на својот УО, наградата ќе ја добијат ракометарите

RK Vardar 1961

Вардар 1961 почнува против Текстилец во Купот на Македонија

Денеска во просториите на Ракометната Федерација на Македонија беше извршена ждрепката за елиминациското коло од Купот на Македонија. Сезонава во Суперлигата и во Првата лига играат вкупно 32 екипи, и имаше полудиригираната ждрепка, па во елиминациите ќе играат суперлигаши против прволигаши во само еден натпревар.

Вардар 1961 кој 13 пати беше досега победник на Купот на Македонија во елиминациската фаза ќе игра против Текстилец од Штип.

Термините за овие натпревари се 24 или 25 февруари, според календарот на РФМ, но екипите што играат во европските купови веројатно ќе играат во друг термин.

Четвртфиналните групи ќе се играат како и досега, со по четири екипи, а најдобрите од групите обезбедуваат место на завршниот турнир. Четвртфиналето ќе се игра на 31 март и 1 април, додека Ф4 ќе биде од 21 до 23 мај.

Ракометна Федерација на Македонија - официјална страница

Почитувани,

Ве информираме дека на Седницата на Управниот Одбор на Ракометната Федерација на Македонија која се одржа online на ден 12.02.2021 година беа донесени следните заклучоци/предлози:

Информација за системот на натпревари за натпреварувачка сезона 2020/2021 и Куп на Македонија;
Информација за план и програма за женска сениорска репрезентација за претстојниот квалификациски турнир (кој ќе се одржи во Скопје во период од 18-ти до 21-ви Март 2021 година) за обезбедување пласман за одигрување бараж за СП 2021 во Шпанија;
Информација за машка сениорска репрезентација и едногласно се усвои предлогот за назначување на г-дин Кирил Лазаров за Селектор/Тренер на сениорската машка ракометна репрезентација;
Се именува г-дин Александар Велковски да ја води Комисијата за лиценцирање при РФМ;

На Седницата на Управниот Одбор на РФМ одржана на ден 12.02.2021 година, предмет/тема на разговор не беше системот на натпревари при РФМ по предлог доставен од клубови, истиот беше дискутиран на Собранието на РФМ кое се одржа на ден 31.01.2021 година и беше конкретизиран рок до 15.03.20.21 година да се направи опсежна анализа и истата да биде доставена до членовите на УО на РФМ за разгледување.

До периодот наведен заклучно со 15.03.2021 година ќе се искомуницираат сите засегнати за предлогот доставен и дополнително ќе бидат организирани средби низ државата со членките на РФМ. Планираните средби/состаноци ќе бидат организирани во рамки на насоките односно мерките за заштита и превенција од вирусот CoVid-19.

Со почит,

Ракометна Федерација на Македонија