TEMI.mk

Frosina Remenski

🇲🇰 Добар ден претседателе Пендаровски и Среќна 2️⃣0️⃣2️⃣3️⃣ ❗

Почитуван претседателе Пендаровски, можам да разберам дека, еден дел од прашањата што ги упатував до Вас како "Татко на нацијата" не биле во Ваша директна надлежност или можеби не чувствувавте потреба пред нова година да коментирате за нив.

Да потсетам дека, многу од тие теми и прашања, дилеми и дебати ги отворивте токму Вие како претседател и поради тоа не можете да не ги одговорите, зошти се во домен на безбедноста и надворешната политика, за кои и Вие и Владата имате надлежност.

🚩Да Ве потсетам, дека јавноста остана куса за Вашиот коментар и одговор околу неодговорноста за "случајот Онишченко", за кој сите заедно најгласно тврдевте дека е мега-мега случај што го руши кредибилитетот на АНБ и на државата.
👇👇👇
https://m.facebook.com/story.php?story_fbid=709878510499933&id=100044333714272&mibextid=Nif5oz

Сите отидовте до таму со коментарите и ја изразивте загриженоста и интересот на САД за овој случај, до степен "... како ќе ги погледнеме во очи Американците", за да на крајот сите што бевте загрижени немавте проблем да го испратат стариот и да го именувате новиот директор на АНБ - двајцата кои биле дел од "системскиот пропуст" како државна тајна за кој (не)дознавме.

🚩ℹ Има една многу по-мега-мега хаварија за која зборував во заштитеното јавно пријавување на 26.12.2022 година -
шпионажи, продолжено следење на комуникации, двојни идентитети фалсификати итн.
👇👇👇
https://youtu.be/-15ydbbahwI

Не знам дали, Ви го преведоа дословно, но ако не Ви го превеле и не гледате Ваша надлежност во овој наш (сега и европски) проблем, потсетете се на Писмото кое Ви го испратив на 19.06.2020 година како потпретседател на Собрание и член на собраниски надзор над УБК и АР.

Додека го преведуваат во ЕУ на чист македонски јазик пријавувањето и пријавата, за да го видат слушнете го молкот од сите институции со кои (треба да) комуницирате службено за прашања од интерес на граѓаните, државата и безбедноста. Гледам се афирмира некаква идеја за формирање на Агенција за сајбер безбедност и се надевам тоа е на линија на Вашето барање од НАТО за заштита на кибер безбедноста. Знаете ли што треба да работи❓

Вака претседателе Пендаровски:

Нека Ве информираат од Владата, од МНР, од Агенцијата за разузнавање, од АНБ, од МВР, а може и од АЕК или од Телеком:

🚩 Дали се во тек со ЕУ-агендата на која на-големо, цел ноември и декември се зборува за шпионажи со шпионски софтвери произведени во Скопје од страна на фирма со параразузнавачка структура❓ 🚩Зарем не Ве интересира како Грција се тресе од прислушкување и шпионажа, како менува закони и како обезбедува заштита и дозвола за надзор наметната и условена токму од ЕУ❓
🚩Зарем не Ве интересира македонскиот шпионски зачин и фирмите од Скопје за кои јазикот им се фаќа на сите кога треба да ги изустат, а камоли да им влезе полиција како во Грција за да види што произведуваат, што извезуваат, какви услуги нудат, колку профит прават, кој ги контролира и кој ги штити❓
🚩Зарем не Ве интересира до кој степен е дигнато значењето на парламентарниот надзор, а како тука институвиите "третираат" пријава од пратеник за злоупотреби од парламентарен надзор❓

И за овие обуки фрлија многу пари партнерите, но јас барем научив нешто од тие обуки.

ℹ🚩 Ова се многу сериозни прашања претседателе Пендаровски за кои мора да имате и став и иницијатива да дознаете зошто не се постапува по големи индиции дека, нашата држава станала шпионски расадник и гнездо за тестирање шпионажа, за да знаеме колку ни е отпорна приватноста и колку ни е заробена слободата❗

Молкот е потврда на таа заробеност и срамот кој не' голта сите кои се бусаме во гради за ЕУ, а институциите се прават дека не гледаат каде е тука "европскиот интерес" од непостапувањето и неговорењето за овој многу сериозен проблем.

Која црна сајбер-безбедност, која Агенција за сајбер-безбедност кога шпионските летечки коњи и предатори летаат на сите страни и во сите можни телефони кои треба да звонат, ама не за молчење, туку за постапување.

Кој ќе ги заштити граѓаните, укажувачите и институциите претседателе❓
Да ја почекаме Агенцијата да се формира или да почекаме да помине новогогишниот илузионизам според кој сите мислат дека старите проблеми нема да бидат проблеми во новата година❓
Поголеми се од лани, тродупли.

Знам дека ќе го прочитате ова.
Прочитајте и обидете се да го разберете.
Ќе се потрудам во следните статуси и обраќања да ги адресирам и сите со кои службено комуницирате (како за случајот со Онишченко, де), за да видам до каде може да оди молкот, "системскиот пропуст" или тактиката.

🎈 П.С Од "пу-пу случајот Онишченко" и "системскиот пропуст" како државна тајна имам право да заклучам дека на сите институции и медиуми им била потребна екстра-сензационалистичка тема, за да се одглуми извлекување и да се поклопи известувањето од европската дебата за извезена шпионажа и незаконско следење на комуникациите - како тука, така и надвор.

Oliver Spasovski

На третата седница на Советот за координација на безбедносно-разузнавачката заедница: Формиран оперативен тим за справување со хибридни закани

На седницата беше констатирано дека безбедносната состојба е стабилна и дека не постојат реални закани по безбедноста на граѓаните. Безбедносно-разузнавачката заедница е во секојдневна меѓусебна комуникација и координација, како и со меѓународните партнери од безбедносниот сектор со кои постојано работат на размена на информации и искуства во справувањето со хибридните закани.

Од седницата на Советот произлезе заклучок да се формира оперативен тим за сајбер безбедност и хибридни закани со кој ќе раководи Бирото за јавна безбедност во рамки на Министерството за внатрешни работи. Оперативниот тим ќе биде составен од експерти од Бирото за јавна безбедност, Агенцијата за разузнавање, Агенцијата за национална безбедност и Служба-Сектор за воена безбедност и разузнавање. Предвидено е по потреба да бидат вклучени и други институции и експерти.

Главни задачи на оперативниот тим ќе бидат стручната процена и препораки, изработка на минимум стандарди и опрема за градење отпорност на секоја институција и зајакнување на комуникацијата со јавноста на дневно ниво.

Меѓу другото, донесен е и заклучок со кој се зајакнува комуникацијата со партнерски институции во делот на проценката на отпорност и заштита на системот.

Slavica Grkovska

Со амбасадорот на Кралството Холандија Дирк Јан Коп разговаравме за потребата од зголемување на свесноста за опасностите што ги носи дигиталниот свет и потребата за силна сајбер-безбедност. Го информирав амбасадорот Коп, дека Република Северна Македонија е членка на GFCE- глобалниот форум за сајбер експертиза, во која членуваат и владите од најразвиените земји во светот како и организациите како ОБСЕ, Светска банка, Обединетите нации, Европската унија и многу други на тема Сајбер безбедност.
Се заблагодарив и за силната холандска поддршка и соработка во однос на проектите поврзани со сајбер безбедноста, кои за нас како Влада се клучни, во процесот на дигитализација на нашето општество како и во процесот на давањето на дигиталните услуги и нивното гарантирање за обезбедно користење на истите.
Се согласивме дека е неопходен заеднички настап и партнерска соработка во сајбер безбедноста со земјите кои веќе имаат големо искуство во овој процес, кој е важен за секое демократско развиено општество.
Амбасадорот Коп ги поздрави сите чекори кои ги презема Владата во оваа област, како и за успешното членство во GFCE- глобалниот форум за сајбер експертиза, и директната соработка со сите институции како домашни така и странски во областа на сајбер безбедноста.
Како општество мораме да работиме заедно на сајбер безбедноста и отпорноста и дека како држава немаме простор за аматерско постапување, понудените услуги мораат да бидат безбедносно гарантирани пред граѓаните, бидејќи само така можеме да ја вратиме вербата на граѓаните во нашиот систем.

Frosina Remenski

🎲 ПРЕТСЕДАТЕЛЕ ПЕНДАРОВСКИ КОЈ ЕКСПЕРТ ПО САЈБЕР БЕЗБЕДНОСТ ЌЕ ВИ ГО ПРОВЕРИ ТЕЛЕФОНОТ❓

Нема да се извинувам за директното обраќање кон претседателот Пендаровски. Како еден од најинформираните функционери во државата има право и обврска да се грижи за безбедноста на граѓаните и институциите. Го покажал тоа многу пати до сега, се надевам и сега ќе ја сфати загриженоста која не е лична-моја, туку е јавна - национална, регионална, европска и поширока.

Без грам јавен, медиумски и институционален одговор и внимание поминува тежок проблем за шпионажа за која наголемо се зборува во Европскиот Парламент. Се формираат истражувачки одбори во европските институции, се подготвуваат посебни извештаи, се реферира, се поставуваат прашања за Северна Македонија, се скенираат злоупотреби на шпионски софтвери Пегасус и Предатор создадени од страна на македонско-израелска фирма која ги тресе безбедносните и правни системи на земјите од Европа и пошироко..., а кај нас молк и дневна доза на веќе видени вести.

Додека читаме и странските медиуми известуваат дека во Грција се разрешуваат функционери, се прават полициски рации во фирми и домови на поранешни израелски воени разузнавачи за шпоинско инфицирање на телефони на советници за национална безбедност и национална одбрана, на министри, на новинари, бизнисмени итн., нашите институции не сакаат или не се обидуваат да погледнат точни и лесно проверливи факти за македонските учесници, нивната поврзаност со овој европски проблем и како извезуваме алатка за масовна шпионажа.

Поранешните воени разузнавачи сигурно од Грција нема да пребегаат кај нас како Неџби и Христо. Но, факт е дека од 2017 година се присутни тука како инструктори, управители и акционери во македонски фирми на еден млад стартап милионер кој по примерот на Ексико управува фирми за кои освен една-две адреси нема никаква друга информација.
Лесно проверлив е милионскиот годишен обрт, неплатените милионски суми на даноци од добивка, присуството на должнички списоци, релации итн.
Зарем не е лесно да се провери тоа што може да се дознае само од "гугл"..., така ли претседателе Пендаровски❓

Претседателот Пендаровски за почеток нека го даде на форензичка анализа за потрага по Пегасус или Предатор неговиот телефонски апарат кај некој експерт за сајбер безбедност, а потоа истото нека го направат членовите на неговиот кабинет. Кога ќе добијат резултат, нека споделат информација со јавноста и со надлежните и нека кажат каде можат да се обратат заинтересираните за иста форензичка проверка.

За оваа форензичка проверка "гугл" не помага, освен за информации кои одамна требаше да го кренат алармот кај сите, (не)опиени од вино ..., пардон шпионски софтвери.

Сите заинтересирани ќе чекаме да слушнеме што има ново од овој европски скен и дали Европа ќе почне да не' скенира и за ова иновација - homemade softwere.

Ако услов кај нас, да се зборува јавно за овој очигледен проблем е да се детектира шпионски софтвер во телефонски апарат на некој битен, тогаш ајде нека тргне таа форензика од претседателот Пендаровски, за да можеме да ја видиме шпионската "сфера на интерес" кај нас.

Кога ЕУ амбасадорот Гир бара акција, тој сигурно мисли и на извештајот од Пегас-одборот во ЕП за шпионирање со софтвери made by Cytrox, Sajgnet, Sintellexa, Intellexa која и да е (иста) фирма.

Ќе молам Бога да не сум во право за дел од кажаното, но ќе си го задржам правото да им верувам на моите очи и уши - "Мил си ми Платоне, ама помила ми е вистината".