TEMI.mk

Brane Petrushevski

Добро е што Министерството за здравство ќе иницира инспекција да провери дали доследно се испочитувани законските обврски при спроведување на скандалозниот конкурс во Здравствениот дом Куманово, што јас и го побарав.

Го охрабрувам и Државниот инспекторат за труд и Државната комисија за спречување на дискриминација да ги испитаат обвинувањата од вработените за мобинг поттикнат врз етничка основа, кој што го спроведувал директорот на Здравствениот дом Куманово.

Воедно, го повикувам МВР да испита зошто сметките за потрошена електрична енергија на оваа институција до пред неколку месеци биле драстично и нелогично големи, да не случајно и таму се копале криптовалути...

И на крај, директорот нека не ги малтретира вработените, еве јавно кажувам дека сите информации што ги изнесувам доаѓаат од неговите сопартијци. Има во ДУИ чесни членови кои не поднесуваат нечесно раководење со институциите.

Oliver Spasovski

Уверен сум дека овој Меморандум за соработка меѓу МВР и Државниот инспекторат за труд ќе придонесе за зголемување на бројот на препознаени лица и прелиминарна идентификација на потенцијални жртви и ќе влијае во зајакнувањето на соработката во спречување, откривање и сузбивање на трговијата со луѓе со цел трудова експлоатација, како и обезбедување на навремена нивна заштита.

Oliver Spasovski

Денеска заедно со директорката на Државниот инспекторат за труд, Весна Томовска потпишавме Меморандум за меѓуинституционална соработка во откривањето на кривичните дела поврзани со трговија со луѓе и трудова експлоатација и упатување на потенцијалните жртви на трговија со луѓе со цел трудова експлоатација.

Главен фокус на Меморандумот е зајакнување на соработката и меѓусебна размена на информации, координирање на активностите, организирање и спроведување на заеднички надзор-контрола. Во оваа прилика сакам да упатам искрени честитки до Здружението на млади правници, кои на иницијатива на Националната комисија, а со поддршка на проектот на ЕУ и Советот на Европа за превенција и борба против трговијата со луѓе, го изработија Меморандумот за соработка помеѓу Министерството за внатрешни работи и Државниот инспекторат за труд согласно препораките на ГРЕТА, во насока на воспоставување на прецизна и тесна соработка помеѓу полициските службеници и трудовите инспектори.